Sansar News
१२ कात्तिक, काठमाडौं । नेपालमा आज २९८१ जनाले कोरोना जितेर घर फर्किएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये २९८१ जना संक्रमणबाट मुक्त भएर डिस्चार्ज भएका हुन् । आज निको भएका २९८१ जनासँगै नेपालमा कोरोना संक्रमणबाट मुक्त हुनेको संख्या १ लाख, २१ हजार ८२४ पुगेको छ ।
हालसम्म कुन प्रदेशमा कति निको भए त ?
प्रदेश १ मा ११,५१४, प्रदेश २ मा १६२४५, बागमती प्रदेशमा ५९ हजार ८९२,गण्डकी प्रदेशमा ५९३९, लुम्बिनी प्रदेशमा १४,६२३, कर्णाली प्रदेशमा ४६४५ र सुदूरपश्चिम प्रदेशमा ८५६६ जना गरी हालसम्म जम्मा १ लाख, २१ हजार ८२४ जना निको भएका हुन् ।
वि.सं.२०७७ कात्तिक १२ बुधवार १७:१६ मा प्रकाशित
