हामी सबैकाे संसारन्यूज

१२ कात्तिक, काठमाडौं । नेपालमा आज काठमाडौं उपत्यकाका ८४३ जनासहित देशैभरी १९५४ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज काठमाडौंमा ६९६ ललितपुरमा ११८ र भक्तपुरमा २९ जना संक्रमित थपिएका हुन् ।

मन्त्रालयका अनुसार आज प्रदेश १ को इलाममा २, उदयपुरमा १०, ओखलढुंगामा १, खोटाङमा ३, झापामा ७८, तेह्रथुममा ३, धनकुटामा ५, भोजपुरमा १, मोरङमा २५३, संखुवासभामा ४, सुनसरीमा २०३ र सोलुखुम्बुमा ९ जना गरी प्रदेशमा आज ५७२ जना संक्रमित थपिएका हुन् ।

प्रदेश २ को धनुषामा ८, पर्सामा २०, बारामा ३, महोत्तरीमा २७, रौतहटमा ११, सर्लाहीमा ६ र सिराहामा ९ जना गरी प्रदेशमा आज ८७ जना संक्रमित थपिएका छन् ।

बागमती प्रदेशको काठमाडौंमा ६९६, काभ्रेपलान्चोकमा ८, चितवनमा १६३, धादिङमा २, नुवाकोटमा ५, भक्तपुरमा २९, मकवानपुरमा ३९, ललितपुरमा ११८ र सिन्धुपाल्चोकमा ३ जना गरी प्रदेशमा आज १०६३ जनामा संक्रमण देखिएको छ ।

गण्डकी प्रदेशको कास्कीमा ९९, नवलपरासीपुर्वमा ५०, गोरखामा ११, तनहुँमा १०, पर्वतमा १, मुस्ताङमा १, लमजुङमा २, बाग्लुङमा ४ र स्याङजामा १३ जना गरी प्रदेशमा आज १९१ जना संक्रमित थपिएका छन् ।

त्यस्तै लुम्बिनी प्रदेशको गुल्मीमा ३, दाङमा ३, नवलपरासीमा १, पाल्पामा १, बर्दियामा ६, बाँकेमा १ र रुपन्देहीमा ७ जना गरी प्रदेशमा आज २२ जनामा संक्रमण पुष्टि भएको छ ।

कर्णाली प्रदेशको दैलेखमा ६ जना र सुदुरपश्चिम प्रदेशको अछाममा ४, कन्चनपुरमा २ र कैलालीमा ६ जना गरी प्रदेशमा आज १३ जना संक्रमित संक्रमित थपिएसँगै आज देशैभरी १९५४ जना संक्रमित थपिएका छन् । जसमा महिला ७५८ र पुरुष ११९६ जना रहेका छन् ।

आज थपिएका १९५४ जनासँगै नेपालमा हालसम्मको कूल संक्रमितको संख्या १ लाख ६२ हजार २५४ पुगेको छ ।

पछिल्लो २४ घण्टामा थप ५७० जनामा कोरोना संक्रमण, उपत्यकामा मात्रै २५२ संक्रमित थपिए