काठमाडौं । कुमारी बैंक लिमिटेडले आर्थिक वर्ष २०७६/७७ का लागि आफ्ना शेयरधनीहरुलाई १४ प्रतिशत बोनस शेयर र नगद लाभांश दिने घोषणा गरेको छ ।
गत कात्तिक ५ गते बसेको बैंकको संचालक समितिको आ.ब. २०७७/७८ को ९ औं बैठकले गत आर्थिक वर्षको मुनाफाबाट सेयर धनिहरुलाई १० प्रतिशत बोनस शेयर तथा ४ प्रतिशत नगद लाभांश दिने निर्णय गरेको छ ।
संचालक समितिबाट परित भएको उक्त प्रस्ताव नेपाल राष्ट्र बैंक र बैंकको आगामी पुष मसान्तसम्ममा सम्पन्न हुने वार्षिक साधारणसभाबाट स्वीकृत भएपछि लागू हुनेछ ।
विगत २० वर्षदेखि आफ्ना देशव्यापि शाखा संजाल, एटिएम, विस्तारित काउन्टर लगायत शाखारहित बैंकिङ इकाईहरु मार्फत अत्याधुनिक बैंकिंग सेवा दिदै आएको कुमारी बैंकको निक्षेपरु १ खर्ब २२ अर्ब तथा कर्जा लगानीरु १ खर्ब १५ अर्ब रहेको बैंकले जनाएको छ ।
वि.सं.२०७७ कात्तिक १३ बिहीवार १५:५९ मा प्रकाशित