हामी सबैकाे संसारन्यूज

१५ कात्तिक, काठमाडौं । राष्ट्रिय आविस्कार केन्द्रका प्रमुख डा. महाविर पुनले विदेश बस्ने नेपालीलाई प्रत्येक महिना १०-१० हजार नेपाल पठाउन अनुरोध गरेका छन् ।

उनले उक्त रकम आफ्नो आविस्कार केन्द्रका लागि नभै देशको आर्थिक समृद्दि र वेरोजगार युवाहरुका लागि सदुपयोग गर्नका लागि अनुरोध गरेका हुन् ।

जापानमा बस्ने एक महिलाले आफूलाई नैं बैंक खाता बनाएर प्रत्येक महिना १० हजार पठाउने गरेको र उक्त रकम आफु नेपाल फर्किएपछि आफैले कुनै उद्योग व्यवसाय गर्ने सोँचले पठाएको डा. पुनले लेखेका छन् ।

उनले ती महिलाको यस्तो सोचले आफूमा पनि नयाँ विचार फुरेको बताउँदै यसरी नै प्रतिमहिना विदेशमा बस्ने १ हजार जना नेपालीले प्रति व्यक्ति प्रति महिना १० हजारको दरले पैसा जम्मा गर्ने हो भने एक महिनामा १ करोड रुपैंया जम्मा हुने र उक्त रकमले राम्रो उद्योग वा ब्यबसायमा लगानी गर्दा नेपालमा रोजगारीको सृजना पनि हुने र देशको आर्थिक बिकास हुने डा. पुनले बताएका छन् ।

डा. पुनले यसलाई आफ्नो विचार मात्र रहेको बताउँदै भनेका छन्,‘ ‘यो मेरो बिचार मात्र हो किन भने यस्तो कुरा मैले यो भन्दा अगाडी सोचेको थिएन । तपाइहरुलाई यो सोच कस्तो लाग्यो ?’