Sansar News
काठमाडौं । बंगालादेशको कोमिला जिल्लामा मुस्लिम समुदाय र हिन्दु समुदायबीच झडप भएको छ । आक्रोशित मुस्लिम समुदायले हिन्दु समुदायको ठुलो बस्ती जलाईदिएका छन् ।
समाचार एजेन्सी पीटीआईका अनुसार सामाजिक सञ्जाल फेसबुकमा मुस्लिम विरोधी टिप्पणी आएको अफबाहमा घटना घटेको हो । बंगालादेशमा घटना घटेसँगै भारतमा पनि त्यसको प्रभाव देखिएको छ ।
केहि दिनदेखि बंगालादेशमा फ्रान्स विरोधी प्रदर्शनहरु भईरहेका छन् । मुस्लिम समुदायको ठूलो हिस्सा फ्रान्स विरोधी कार्यक्रममा सहभागी छ ।
त्यहीबीच हिन्दु समुदायसँग भएको झडपको घटनाले डरलाग्दो रुप लिनसक्ने चिन्ता बढेको छ । भारततर्फ हिन्दु कट्टरपन्थीले यस घटनालाई ठुलो बनाउने डर पनि देखिन्छ ।
वि.सं.२०७७ कात्तिक १७ सोमवार १७:५८ मा प्रकाशित
