हामी सबैकाे संसारन्यूज

१७ कात्तिक, काठमाडौं । नेपालमा सोमबार (१७ कात्तिक) सम्म पिसीआर प्रविधिबाट १४ लाख ६९ हजार ८१२ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट १३,४४६ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

त्यसैगरी हालसम्म देशैभरी संक्रिय संक्रमित ३७ हजार ५२४ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ६,६०० जनाको उपचार भइरहेको छ । साथै होम आइसोलेसनमा बस्नेको संख्या ३० हजार ९२४ रहेको छ ।

त्यसैगरी देशभरका विभिन्न अस्पतालको आइसीयुमा ३४७ जना संक्रमित उपचाररत छन् ।

मन्त्रालयका अनुसार प्रदेश १ मा ३८, प्रदेश २ मा १०, बागमती प्रदेशमा १८०, गण्डकी प्रदेशमा ६४, लुम्बिनी प्रदेशमा ४५, कर्णाली प्रदेशमा ५ र सुदूरपश्चिममा ५ जना गरी जम्मा ३४७ जना आइसीयुमा उपचाररत छन् ।

त्यसैगरी प्रदेश १ मा १२ जना, बागमती प्रदेशमा ४७ जना, गण्डकी प्रदेशमा ८ जना, लुम्बिनी प्रदेशमा ६ जना र सुदूरपश्चिम प्रदेशमा १ जना गरी जम्मा ७४ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला, झापा, मोरङ, सुनसरी, काठमाडौं, भक्तपुर, ललितपुर, चितवन, मकवानपुर, काभ्रे, कास्की, नवलपरासीपूर्व, दाङ, रुपन्देही र कैलाली गरी १४ वटा रहेका छन् ।

यसैगरी क्वारेन्टिनमा २११९ जना रहेका छन् भने शून्य संक्रमित रहेको जिल्ला मुस्ताङ रहेको छ ।

त्यस्तै आज थपिएका २९३३ जनासँगै नेपालमा हालसम्मको कूल संक्रमितको संख्या १ लाख ७६ हजार ५ सय पुगेको छ । साथै आज ३१५० जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या १ लाख १ लाख ३७ हजार ९९२ पुगेको छ ।

आज २४ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या ९८४ पुगेको छ ।

आज काठमाडौं उपत्यकाका १६३० सहित देशैभरी २९३३ जनामा कोरोना संक्रमण
नेपालमा आज काठमाडौं उपत्यकाका १६३० जनासहित देशैभरी २९३३ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा १३२९, ललितपुरमा १९३ र भक्तपुरमा १०८ जना संक्रमित थपिएका हुन् ।

मन्त्रालयका अनुसार आज प्रदेश १ को इलाममा २, उदयपुरमा ५, ओखलढुंगामा १, झापामा ६०, तेह्रथुममा २, ताप्लेजुङ २, संखुवासभा २, धनकुटामा २, मोरङमा ३९, सुनसरी ८५ र सोलुखुम्बुमा २९ जना संक्रमित थपिएका हुन् ।

प्रदेश २ को धनुषामा २३, पर्सामा १५, बारामा ९, महोत्तरीमा ६, रौतहटमा ३२, सप्तरीमा ३, सर्लाहीमा ७ र सिराहामा ९ जना गरी प्रदेशमा आज १०४ जना संक्रमित थपिएका छन् ।

बागमती प्रदेशको काठमाडौंमा १३२९, काभ्रेपलान्चोकमा ८५, चितवनमा १६८, दोलखामा ८, धादिङमा १४, नुवाकोटमा १९, भक्तपुरमा १०८, मकवानपुरमा ३३, रसुवामा ८, रामेछापमा ३, ललितपुरमा १९३, सिन्धुपाल्चोकमा २७ र सिन्धुलीमा ८ जना गरी प्रदेशमा आज २००३ जनामा संक्रमण देखिएको छ ।

गण्डकी प्रदेशको कास्कीमा १२७, गोरखामा ४६, तनहुँमा १३, नवलपरासीपूर्वमा ४०, पर्वतमा ९, लमजुङमा ५, बागलुङमा ६ र स्याङजामा ९ जना गरी प्रदेशमा आज २५५ जना संक्रमित थपिएका छन् ।

त्यस्तै लुम्बिनी प्रदेशको अर्घाखाँचीमा ४, कपिलवस्तुमा ५, गुल्मीमा ५, दाङमा ६४, नवलपरासीमा २१, पाल्पामा ३, प्युठानमा १, बर्दियामा ८, बाँकेमा २०, रुपन्देहीमा १४६ र रोल्पामा २ जना गरी प्रदेशमा आज जम्मा २७९ जनामा संक्रमण पुष्टि भएको छ ।

कर्णाली प्रदेशको डोल्पामा १, दैलेखमा ७, सल्यानमा १ र सुर्खेतमा ४ जना गरी प्रदेशमा आज १३ जना संक्रमित थपिएका हुन् ।

सुदूरपश्चिम प्रदेशको अछाममा २, कन्चनपुरमा १२, कैलालीमा २६, डडेल्धुरामा ७ र बैतडीमा ३ जना गरी प्रदेशमा आज ५० जना थपिएसँगै देशैभरी २९३३ जना संक्रमति थपिएका हुन् । जसमा महिला ११७६ र पुरुष १७५७ जना रहेका छन् ।

आज थपिएका २९३३ जनासँगै नेपालमा हालसम्मको कूल संक्रमितको संख्या १ लाख ७६ हजार ५ सय पुगेको छ ।

आज ३१५० जना कोरोना संक्रमणबाट मुक्त
१७ कात्तिक, काठमाडौं । पछिल्लो २४ घण्टामा देशैभरी ३१५० जना कोरोना संक्रमित निको भएका छन् । स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ३१५० जना संक्रमणबाट मुक्त भएर डिस्चार्ज भएका हुन् । आज निको भएका ३१५० जनासँगै नेपालमा कोरोना संक्रमणबाट मुक्त हुनेको संख्या १ लाख ३७ हजार ९९२ पुगेको छ । मन्त्रालयका अनुसार कूल संक्रमित मध्ये निको हुनेको यो दर ७८.२ प्रतिशत हो ।

कति छन् त होम आइसोलेसनमा ?
स्वास्थ्य मन्त्रालयका अनुसार हालसम्म ३० हजार ९२४ जना कोरोना संक्रमित होम आइसोलेसनमा रहेका छन् ।
जसमा प्रदेश १ मा ५,८९८ प्रदेश २ मा १०४६, बागमती प्रदेशमा १८,२३३, गण्डकी प्रदेशमा १३५९, लुम्बिनी प्रदेशमा ३०८६, कर्णाली प्रदेशमा ४४९ र सुदूरपश्चिम प्रदेशमा ८५४ जना गरी ३० हजार ९२४ जना रहेका छन् । साथै देशका विभिन्न अस्पताल तथा आइसोलेसन सेन्टरमा ६,६०० जनाको उपचार भइरहेको छ ।

कोरोना संक्रमणबाट आज पनि २४ जनाको मृत्यु, मृतकको संख्या ९८४ पुग्यो
नेपालमा आज पनि कोरोना संक्रमणबाट २४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज विभिन्न जिल्लाका २४ जनाको मृत्यु भएको हो ।
आज थपिएका २४ जनासँगै नेपालमा कोरोना संक्रमणबाट ज्यान गुमाउनेको संख्या ९८४ पुगेको छ ।

हेर्नुहोस् यस्तो छ नेपालमा १६ कात्तिक सम्मको कोरोना अपडेटको पूर्ण विवरण

.