हामी सबैकाे संसारन्यूज

१७ कार्तिक, काठमाडौं । संरक्षित वन्यजन्तु कछुवा सहित ५ जनालाई प्रहरीले भक्तपुरको सूर्यविनायकबाटआइतबार साँझ पक्राउ गरेको छ ।
पक्राउ पर्नेहरुमा ललितपुर बालकुमारी बस्ने रामेछाप हिमगंगा नगरपालिका-४ का २९ वर्षीय नैन बहादुर आले मगर, काठमाडौं बनस्थली बस्ने गोरखा बारपाक सुलिकोट गाउँपालिका-६ का २४ वर्षीय सुजन उपरकोटी, काठमाडौं बौद्ध बस्ने रामेछाप दोरम्बा गाउँपालिका-६ का ३३ वर्षीय छेवाङ लामा, भक्तपुर गणेशबस्ती बस्ने रामेछाप दोरम्बा गाउँपालिका-६ का २७ वर्षीय राज कुमार घिसिङ र काठमाडौं बौद्ध बस्ने रामेछाप दोरम्बा गाउँपालिका-६ का २९ वर्षीय दावा लामा रहेका छन् ।

उनीहरुले संरक्षित वन्यजन्तु कछुवाको अवैध ओसार पसार तथा बिक्री गरेको भन्ने सूचना प्राप्त भएछि महानगरीय अपराध महाशाखाबाट खटिएको प्रहरीले उक्त कार्यमा संलग्नलाई पक्राउ गरेको हो ।