Sansar News
२१ कात्तिक, काठमाडौं । सिद्धर्थ बैंकले कृषि व्यवसायिलाई १० करोड सम्मको कर्जा सुविधा दिने भएको छ । बैंकले कृषि तथा पशुपालन व्यवसाय प्रवर्दन तथा विकासमा टेवा पुर्याउने उद्देश्यका साथ सो योजना ल्याएको हो ।
कृषि तथा पशुपन्छीजन्य क्षेत्रको व्यवसाय प्रवर्धन गरी देशमा उत्पादन एवं रोजगारी अविवृद्धि गर्ने उद्देश्यका साथ बैंकले यो कर्जा सुविधा ल्याएको हो ।
सहुलियतपूर्ण कर्जामा बैंकले आफ्नो आधार दरमा अधिकतम २ प्रतिशत प्रिमियम थप गरी ५ प्रतिशत ब्याज अनुदान उपलब्ध गराउने व्यवस्था गरेको छ । यस कर्जाको अवधि १५ वर्ष सम्मको हुने छ भने ब्याज अनुदान ५ वर्षसम्म प्राप्त हुने जनाइएको छ ।
यस कर्जा सिद्धार्थ बैंक र यूकेएड सक्षम एक्सेस टु फाईनान्स प्रोग्राम बीचको सहकार्यमा ल्याईएको देशको कृषि तथा पशुपन्छीजन्य क्षेत्रका उद्यमहरुको वित्तीय पहुँचमा वृद्धि गर्न सञ्चालन गरिएको हो ।
वि.सं.२०७७ कात्तिक २१ शुक्रवार १६:५३ मा प्रकाशित
