हामी सबैकाे संसारन्यूज

२३ कार्तिक, काठमाडौँ । विश्वभरमा कोरोना भाइरसबाट संक्रमितहुनेको संख्या ५ करोड नाघेको छ भने संक्रमणबाट १२ लाख ५६ हजार भन्दा बढिको मृत्यु भएको छ ।

वोल्डोमिटरका अनुसार विश्वभरमा कुल कोरोना भाइरसका संक्रमित हुनेको संख्या ५ करोड २ लाख ६३ हजार ७ सय ३९ पुगेको छ भने १२ लाख ५६ हजार ३ सय ५२ जनाको मृत्यु भएको छ ।

अहिले पनि विश्वभरमा १ करोड ३४ लाख ५७ हजार ६ सय ९७ जना संक्रमित अवस्थामै रहेका छन भने ३ करोड ६८ लाख ६ हजार ४२ जना कोरोना भाइरसको संक्रमणबाट मुक्त भएका छन ।

कोरोना भाइरसबाट सबै भन्दा प्रभावित देश अमेरिकामा मात्र १ करोड १ लाख ८२ हजार ८ सय १८ जना संक्रमित रहेका छन जसमध्य २ लाख ४३ हजार २ सय ५७ जनाले अफ्नो ज्यान गुमाईसकेका छन ।