Sansar News
काठमाडौँ । बलिउड अभिनेता अजय देवगनले नयाँ चलचित्र निर्देशन गर्ने भएका छन् । साथै, उनले नयाँ चलचित्रमा बलिउड सुपरस्टार अमिताभ बच्चनलाई पनि निर्देशन बनाउने भएका हुन् ।
अजय देवगनले पछिल्लो पटक अमिताभ बच्चनसँग ८ वर्ष अगाडि प्रकाश झाको फिल्म ‘सत्याग्रह’ मा काम गरेका थिए । अब नयाँ चलचित्र ‘मेडे’ मा उनीहरुबीच सहकार्य भएको हो । हैदराबादमा डिसेम्बरबाट छायांकन सुरु हुने फिल्ममा अजयको पनि अभिनय रहनेछ । जसमा उनले पाइलटको भूमिका निर्वाह गर्नेछन् ।
अमिताभ र अजयले यसअघि ‘मेजर साब, खाकी र सत्याग्रह’ मा काम गरेका थिए । उनीहरुबीच चौथो पटक सहकार्य भएको हो । अजयले भने दोस्रो पटक फिल्म निर्देशन गर्न लागेका हुन् । यसअघि उनले फिल्म ‘शिवाय’ निर्देशन गरेका थिए । फिल्म बक्सअफिसमा औसत चलेको थियो । अहिले उनी फिल्म ‘भुज स् द प्राइड अफ इन्डिया’ को छायांकनमा व्यस्त छन् ।
वि.सं.२०७७ कात्तिक २३ आइतवार १५:२५ मा प्रकाशित
