हामी सबैकाे संसारन्यूज

२३ कात्तिक, काठमाडौं । साताको पहिलो दिन आईतबार सेयर कारोबार नेप्सेमा दोहोरो अंकको बृद्धि देखिएको छ । सूचकमा दोहोरो अंकको बृद्धिहुँदा ब्यापार समूह भने चम्किएको छ । सो समूहको सूचक ८.५८ प्रतिसतले बढेर सकारात्मक सर्किट लागेको नेप्सेले जनाएको छ ।

आईतबार समग्रमा नेप्से १२.४९ अंकले बढेर १६४८.५८ बिन्दुमा पुगेको छ । त्यस्तै ठूला कम्पनीहरुको कारोबार मापक सेन्सेटिभ पनि १.५७ अंकल बृद्धि हुँदै ३२५.९४ अंकमा पुगेकोे छ ।

आज सूचिकृतमध्ये १९८ कम्पनीका ३ अर्ब ५२ करोड ६७ लाख ७७ हजार २६१ रुपैंयाँ बराबरको १ करोड ८ लाख ६३ हजार ४५६ कित्ता सेयर किनबेच भएको छ । तिनको कारोबारमा ४१ हजार ७६७ पटक लेनदेन भएको नेप्सेले जनाएको छ ।

आजको करोबारमा बैंकिङ र विकास बैंक बाहेक सबै १० वटै कम्पनी उपसूचक समूहको परिसूचक उकालो लागेको छ । तिनीहरुमध्ये सबैभन्दा बढी उत्पादनमूलक तथा ब्यापार समूहले समूहले कमाएका छन् ।

आज सबैभन्दा बढी साल्ट ट्रेडिङका लगानीकर्ताहरुले कमाएका छन् । उनीहरुलेमात्र ३८७ अंकले कमाएका छन् । त्यस्तै हिमालयन डिस्टिलरी (१९६), मिथिला लघुबित्त विकाश बैंक (७८) लगायतका कम्पनीका लगानीकर्ताहरुले कमाउँदा गुँरास लघुबित्त (२१) सिभिल लघुबित्त(२०), स्वभिमान लघुबित्त (१७), लगायतका कम्पनीका लगानीकर्ताहरुले गुमाएका छन् ।

आज कारोबार रकमको आधारमा नेपाल पूनर्बीमा कम्पनी शिर्षस्थानमा रह्यो । उसको २५ करोड ९२ लाख २ हजार ४८२ रुपैंयाँ बराबरको कारोबार भएको छ । कारोबार बन्द हुँदा उसको प्रतिकित्ता सेयर मूल्य ८९४ रुपैंयाँ रहेको थियो । त्यस्तै हिमालयन डिस्टिलरी, शिखर ईन्स्योरेन्स, अपि पावर कम्पनी लिमिटेड क्रमशः दोस्रो, तेस्रो र चौथो स्थानमा रहे ।

कारोबार संख्याको आधारमा भने हिमाल दोलखा हाईड्रो शिर्ष स्थानमा रह्यो । उसको मात्र ६ लाख १६ हजार ३१९ कित्ता सेयर किनबेच भएको छ । कारोबार बन्द हुँदा उसको प्रतिकित्ता सेयर मूल्य १५६ रहेको थियो । त्यस्तै नेशनल हाईड्रो, अपि पावर कम्पनी, बैंक अफ काठमाडू क्रमशः दोस्रो, तेस्रो र चौथो स्थामा रहेको नेप्सेले जनाएको छ ।

Index	Current	Points Change	%Change
NEPSE	1,648.58	12.49	0.76
Sensitive	325.94	1.57	0.48
Float	114.70	0.6	0.53
Sen. Float	107.06	0.37	0.35

Sub-Indices	Current	Points Change	%Change
Banking	1,300.37	1.16	0.09
Trading	1,331.63	105.19	8.58
Hotels	1,785.10	27.75	1.58
Development Bank	2,099.27	6.76	0.32
HydroPower	1,463.02	30.59	2.14
Finance	868.80	4.27	0.49
Non Life Insurance	8,209.28	18.79	0.23
Manu.& Pro.	3,156.76	122.68	4.04
Others	1,109.29	28.45	2.63
Microfinance	2,666.27	10.85	0.41
Life Insurance	9,792.06	86.93	0.9
Mutual Fund	11.05	0.15	1.41