हामी सबैकाे संसारन्यूज

काठमाडौं । सत्तारुढ नेकपाका कार्यकारी अध्यक्ष पुष्पकमल दाहाल ‘प्रचण्ड’ले बोलाएको सचिवालय बैठकमा बहुमत सदस्य सहभागी भएका छन् । पार्टी कार्यालय धुम्बाराहीमा अपरान्ह ४ बजेदेखि सुरु भएको बैठकमा सचिवालयका ९ मध्ये ५ जना सदस्य बैठकमा सहभागी भएका हुन् ।

बैठकमा प्रचण्डसहित सचिवालयका सदस्यहरू माधवकुमार नेपाल, झलनाथ खनाल, वामदेव गौतम र नारायणकाजी श्रेष्ठ सहभागी छन् । बैठकमा प्रधानमन्त्री केपी शर्मा ओलीनिकट नेताहरू भने भने उपस्थित छैनन् ।

यसअघि शुक्रबार पनि धुम्बाराहीमा नै प्रचण्डसहितका सचिवालय सदस्यहरु जम्मा भएका थिए । जुन बैठकले ओलीलाई बैठक बोलाउन लिखित आग्रह गर्ने निर्णय गरेको थियो । जुन निर्णयअनुसार शनिबार ओलीलाई ५ सचिवालय सदस्यले भेट्दै लिखित आग्रह गरेका थिए ।

तर, प्रधानमन्त्रीसमेत रहेका ओलीले आग्रहलाई वेवास्ता गरेसँगै नयाँ रणनीति बनाउन नेताहरु जम्मा भएका हुन् । नेकपाभित्रको विवाद उत्कर्षमा पुगेको बेला गरिएको यो बैठकलाई अर्थपूर्णं रुपमा हेरिएको छ ।