हामी सबैकाे संसारन्यूज

२८ कात्तिक, काठमाडौं । एनआईसी एशिया बैंकले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ ।

चालु आर्थिक वर्षको पहिलो त्रैमासको अन्त्यसम्ममा बैंकले १ अर्ब २ करोड १० लाख ८ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा १ करोड १४ लाख रुपैयाँ बढी हो। गत आर्थिक वर्षको सोही अवधिसम्ममा बैंकले १ अर्ब ९६ लाख रुपैयाँ खुद नाफा कमाएको थियो। यो अवधिमा बैंकको वितरणयोग्य नाफा ४ करोड ६६ लाख ६५ हजार रुपैयाँ रहेको छ ।

बैंकको खुद ब्याज आम्दानी र सञ्चालन मुनाफा बढेसँगै नाफामा सुधार देखिएको छ । चालु आवको पहिलो त्रैमासको १ अर्ब ९८ करोड १५ लाख ४ हजार रुपैयाँ खुद ब्याज आम्दानी रहेको छ । जुन गत आवको सोही अवधिमा १ अर्ब ८४ करोड १४ हजार रुपैयाँ रहेको थियो ।

यस्तै गत आवको पहिलो त्रैमासमा १ अर्ब ४२ ९५ लाख १३ हजार रुपैयाँ रहेकोमा चालु आवको सोही अवधिमा यो रकम बढेर १ अर्ब ४५ करोड ८० लाख १२ हजार रुपैयाँ पुगेको छ ।

९ अर्ब ७१ करोड ७६ लाख रुपैयाँ चुक्ता पूँजी रहेको यस बैंकको जगेडा कोषमा ६ अर्ब ६९ करोड ५१ लाख रुपैयाँ र रिटेन्ड अर्निङ्गमा २ अर्ब २ करोड ४७ लाख रुपैयाँ सञ्चित छ। गत आर्थिक वर्षको अन्त्यसम्ममा बैंकको जगेडा कोषमा ५ अर्ब ५४ करोड र रिटेन्ड अर्निङ्गमा १ अर्ब ९७ करोड रुपैयाँ थियो।

बैंकको खराब कर्जा ०.४५ प्रतिशतबाट घटेर ०.४० प्रतिशत रहेको छ । ४२ रुपैयाँ १४ पैसा प्रतिसेयर आम्दानी रहेको बैंकको प्रतिशेयर नेटवर्थ १८९ रुपैयाँ ७१ पैसा रहेको छ ।