हामी सबैकाे संसारन्यूज

२७ कात्तिक, काठमाडौं । जापानको क्युशु फुकुओकामा वाणिज्य दूताबासको उद्घाटन गरिएको छ ।

नोभेम्बर ११ का दिन उद्घाटन सम्पन्न गरिएको हो ।

क्युशु क्षेत्रमा झण्डै ७ हजार भन्दा बढी नेपालीहरु बसोबास गर्छन् भने लगभग ५ हजार फुकुओका शहरमा रहेको तथ्याङ्क छ । बिगतमा फुकुओका शहरमा वाणिज्य दूताबास रहेता पनि गत दुइबर्ष अगाडिदेखि खाली रहेको थियो ।

फुकुओकामा बिशेषगरी बिद्यार्थीको संख्या बढी रहेको हुँदा विभिन्न दैनिक जीवनका समस्या तथा प्रशासनिक समस्याहरु बढ्दै गएको र विश्वभरी फैलिएको कोरोना भाइरसका कारण उब्जिएका केही समस्याहरुको समाधानका लागि पनि बाणिज्यदूताबास स्थापना गरिएको बताइएको छ ।

यसैकारण नेपाल सरकारबाट फुकुओका बाणिज्यदूतका लागि किमोतो युइचिरोलाइ नियुत्त गरिएको हो । यसका साथै गत अक्टोबर २६ तारिकबाट हाकाता एकी हिगासीमा बाणिज्य दूताबासको कार्यालय खोलिएको छ । यसको उद्घघाटन समारोह नोभेम्बर ११ मा गरिएको हो ।

उद्घघाटन समरोहमा फुकुओका प्रिफेक्चर र सिटीका प्रतिनिधि विभिन्न जापानिज संघ संस्थाका प्रतिनिधिहरु, जापानिज भाषा स्कुलका प्रतिनिधिहरु, ब्यवसायिक ब्यक्तिहरु, स्थानिय नेपाली संघ संस्थाहरुका प्रतिनिधिहरु तथा पत्रकारहरुको उपस्थिती रहेको थियो ।

पछिल्लो समय जापानमा कोरोना बढ्दो क्रमसँगै नेपालीहरुमा पनि यसको संक्रमण धेरै फैलिएका कारण कार्यक्रमको प्रमुख आतिथ्यता राजदूत श्रीमती प्रतिभा राणाले (जुम ) मार्फत् गरेकी थिइन् भने, अन्तर्राष्ट्रिय ब्यूरो, योजना र क्षेत्रीय विकास विभाग, फुकुओका प्रान्तका निर्देशक फुरुकावा र फुकुओका शहर सामान्य मामिला योजना ब्यूरो अन्र्तराष्ट्रिय बिभागका निर्देशक कुबोताले शुभकामना दिदै यहाँका नेपालीहरुका लागि र नेपाल-जापानको हितको लागि सक्दो सहकार्य र सहयोग गर्ने कुरा ब्यक्त गरेका थिए ।

त्यस्तै क्युस्युमा सक्रिय संघ संस्थाहरुको प्रतिनिधित्व गर्दै धर्मराज अधिकारीले आफ्नो शुभकामना मन्तब्य राखेका थिए ।

उद्घाटन समारोहमा नेपाली संस्कृति झल्किने नृत्य तथा नेपाली बाजा प्रयोग गरिएका धुनहरु प्रस्तुत गरिएको थियो ।

उद्घघाटन कार्यक्रममा बोल्दै नबनियुक्त बाणिज्यदूत किमोतो युइचिरोले उपस्थित सबैलाई धन्यबाद दिँदै आफू पनि झन्डै २२ बर्ष जति बिदेशको जीवन ब्यतित गरेकोले परदेशको सकसको अनुभब भएकोले नेपाल र नेपालीको हितको लागि र दुइ देशको हितको लागि आफ्नो तर्फबाट सक्दो प्रयास रहने बिचार ब्यक्त गरे । कार्यक्रमको समापन एनआरएन जापान क्युशुका संयोजक देवराज उप्रेतिले गरेका थिए ।