हामी सबैकाे संसारन्यूज

३ मंसिर, काठमाडौं । नेपाल प्रिमियर लिग (एनपीएल) आयोजनाको भारतीय कम्पनीलाई दिने प्रस्ताव क्यानको साधारण सभामा गरिएको छ । नेपाल क्रिकेट संघ (क्यान) को बुधबार सम्पन्न भर्चुअल साधरणसभामा क्यानका पदाधिकारीले एनपीएल १० वर्षका लागि आयोजनाको जिम्मा भारतिय कम्पनीलाई दिने प्रस्ताव राखेका हुन् ।

भारतीय कम्पनी सेभेन ३ स्पोर्टस् प्रालिलाई एनपीएल आयोजनाको जिम्मा दिने  प्रस्ताव पेश भएको हो। क्यान पदाधिकारीले प्रस्ताव गरेपनि कम्पनीसँगभने ठूलो खेल प्रतियोगिता आयोजना गरेको अनुभव भने छैन । प्रस्तावअनुसार पहिलो वर्ष करिब साढे २ करोड कम्पनीले क्रिकेट संघलाई बुझाउनेछ भने १० वर्षमा करिव ४० करोडसम्म पुराउने उल्लेख छ ।

चुक्तापूँजी एक करोड भारु मात्र भएको कम्पनीले आयोजना संञ्चालन गर्नेमा भने पश्न उठेको थियो । राष्ट्रिय टिमका पूर्वकप्तान एवं बारा प्रतिनिधि पवन अग्रवाल, प्रदेश ३ अध्यक्ष राजु बस्नेत लगायतले बिदेशि कम्पनीलाई प्रतियोगिता आयोजना गर्न दिनु घातक हुने धारणा राखेका थिए ।