हामी सबैकाे संसारन्यूज

३ मङ्सिर, सुनसरी । मोटरसाइकल चोरी गरेको अभियोगमा दुई जना पक्राउ परेका छन् ।

को.१८ प ८५३६ र को.७ प ९६२५ नम्बरका मोटरसाइकल चोरी गरेको अभियोगमा इटहरी उपमहानगरपालिका–४ बस्ने २४ वर्षीय विकास भुजेल र २४ वर्षीय विवेक अधिकारीलाई सोमबार प्रहरीले पक्राउ गरेको छ ।

मोटरसाइकल चोरी गरी बिकासको घरभित्र लुकाई राखेको भन्ने सूचनाका आधारमा इलाका प्रहरी कार्यालय इटहरीबाट खटिइएको प्रहरीले उक्त मोटरसाइकल सहित फेला पारी उनीहरुलाई पक्राउ गरेको हो ।

उनीहरु उपर चोरी मुद्दामा जिल्ला अदालत सुनसरीबाट म्याद थप अनुमति लिई थप अनुसन्धान भइरहेको जिल्ला प्रहरीले जनाएको छ ।