हामी सबैकाे संसारन्यूज

४ मंसिर, काठमाडौं । नेपालमा आज काठमाडौं उपत्यकाका १२२९ जनासहित देशैभरी २१०३ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज काठमाडौंमा ९६५, ललितपुरमा १८९ र भक्तपुरमा ७५ जना संक्रमित थपिएका हुन् ।

मन्त्रालयका अनुसार आज प्रदेश १ को इलाममा २, उदयपुरमा ४, ओखलढुंगामा २, खोटाङमा १, झापामा ५१, पाँचथरमा १२ भोजपुरमा १, मोरङमा १२८, संखुवासभामा ९ र सुनसरीमा ७९ गरी प्रदेशमा आज २९० जना संक्रमित थपिएका हुन् ।

प्रदेश २ को धनुषाा १६, पर्सामा १६, बारामा ३, महोत्तरीमा ४, रौतहटमा ३, सप्तरीमा २०, सर्लाहीमा ५ र सिराहामा १० जना गरी प्रदेशमा आज ७७ जना संक्रमित थपिएका छन् ।

बागमती प्रदेशको काठमाडौंमा ९६५, काभ्रेपलान्चोकमा १६, चितवनमा ८०, दोलखामा १, धादिङमा ९, नुवाकोटमा १४, भक्तपुरमा७५, मकवानपुरमा २३, रसुवामा २, रामेछापमा १, ललितपुरमा १८९, सिन्धुपाल्चोकमा ९ र सिन्धुलीमा ३ जना गरी प्रदेशमा आज १३८७ जनामा संक्रमण देखिएको छ ।

गण्डकी प्रदेशको कास्कीमा ७६, गोरखामा १४, तनहुँमा ११, नवलपरासीपूर्वमा १२, पर्वतमा २, मुस्ताङमा ४, लमजुङमा १२, बागलुङमा १३ र स्याङजामा १० जना गरी प्रदेशमा आज १५४ जना संक्रमित थपिएका छन् ।

त्यस्तै लुम्बिनी प्रदेशको अर्घाखाँचीमा ४, कपिलवस्तुमा ११, गुल्मीमा १२, दाङमा ३२, नवलपरासीमा १२, पाल्पामा १०, बर्दियामा ६, बाँकेमा २१ र रुपन्देहीमा ५७ जना गरी प्रदेशमा आज जम्मा १६५ जनामा संक्रमण पुष्टि भएको छ ।

कर्णाली प्रदेशको दैलेखमा ४ र रुकुमपश्चिममा २ जना गरी प्रदेशमा आज ६ जना संक्रमित थपिएका हुन् ।

सुदूरपश्चिम प्रदेशको कन्चनपुरमा ३, कैलालीमा ५, डडेल्धुरामा ४, दार्चुलामा २, बझाङमा ९ र बैतडीमा १ जना गरी प्रदेशमा आज २४ जना थपिएसँगै देशैभरी २१०३ जना संक्रमति थपिएका हुन् । जसमा महिला ८६४ र पुरुष १२३९ जना रहेका छन् ।

आज थपिएका २१०३ जनासँगै नेपालमा हालसम्मको कूल संक्रमितको संख्या २ लाख १५ हजार २० पुगेको छ ।

आज काठमाडौं उपत्यकाका १०३८ सहित देशैभरी १४४२ जनामा कोरोना संक्रमण