हामी सबैकाे संसारन्यूज

५ मंसिर, काठमाडौं । केही समयदेखि निरन्तर रुपमा बढ्दै आएको  लसुनको भाउ आज घटेको छ ।

कालिमाटी फलफूल तथा तरकारी बजार व्यवस्थापन समितिका अनुसार आज लसुनको भाउमा प्रतिकेजी झण्डै ४० रुपैयाँ घटेको हो । विहिबारको बजारमा प्रतिकेजी २८० देखि ३०० रुपैयाँमा विक्रि वितरण भएको नेपाली लसुनको थोक मूल्य भाउ आज प्रतिकेजी २५० देखि २६० रुपैयाँ कायम भएको छ ।

त्यस्तै आज चाइनिज लसुनको भाउ १६० देखि १७० रुपैयाँ केजीमा विक्रि वितरण भइरहेको छ । आज चाइनिज लसुन विहिबारकै भाउमा कारोबार भइरहेको छ ।

आज भारतीय टमाटर (ठूलो) प्रतिकेजी थोक मूल्य ५५ देखि ६० रुपैयाँ रहेको छ ।

त्यस्तै सानो टमाटर ४० देखि ४५ र गोलभेडा सानो (टनेल) ५० देखि ६० रुपैयाँ प्रतिकेजी रहेको छ । आज सानो टमाटरको भाउ प्रतिकेजी १० रुपैयाँ र टनेल टमाटरमा ५ रुपैयाँ घटेको छ ।

त्यसैगरी आज भारतीय प्याज प्रतिकेजी ९५ देखि १०० रुपैयाँ केजी रहेको छ । साथै चाइनिज प्याजको भाउ आज ७५ देखि ८० रुपैयाँ केजी रहेको छ । आज प्याज विहिबारकै भाउमा विक्रि वितरण भइरहेको पनि समितिको मूल्य विवरणमा उल्लेख छ ।

हेर्नुहोस कस्तो छ त आजको बजारमा तरकारी तथा फलफूलको थोक मूल्य विवरण ?