Sansar News
काठमाडौं । सत्तारुढ नेपाल कम्युनिष्ट पार्टी (नेकपा)का उपाध्यक्ष वामदेव गौतमले पार्टी कुनै हालतमा विभाजन नहुने बताएका छन् । शनिबार तुलसीपुर, दाङमा आयोजित भेटघाट कार्यक्रमलाई सम्बोधन गर्दै उनले नेकपामा विभाजन नआउने दाबी गरेका हुन् ।
‘मैंले पार्टी एकतालाई जोड दिँदै आएको छ, अहिले देखिएको विवादकै कारण पार्टी फुट्दैन्, फुट्नु पनि हुँदैन’,गौतमले भनेका छन् ।
गौतमका अनुसार पार्टी एकता गर्दाखेरि समाधान नगरिएका समस्या नै अहिले विवादका रुपमा देखिएका हुन् ।
गौतमले आफुँ स्वंय पनि पार्टी एकताको पक्षमा रहिरहेको दाबी गरे । उनका अनुसार उनी कुनै गुटमा आवद्ध छैनन् । ‘म कुनै गुटमा छैन्, म सधैं गुटको विपक्षमा छु, म पार्टी एकताको पक्षमा छु’, उनले भनेका छन् ।
उपाध्यक्ष गौतमले पार्टीमा दुई अध्यक्षले बैठकको कार्यसूची तय गर्ने र त्यसैका आधारमा सचिवालय, स्थायी कमिटी र केन्द्रीय कमिटीको बैठक बस्ने बताए।
वि.सं.२०७७ मंसिर ६ शनिवार १८:२२ मा प्रकाशित
