हामी सबैकाे संसारन्यूज

८ मङ्सिर, काठमाडौं । नेपालमा आज काठमाडौं उपत्यकाका १००७ जनासहित देशैभरी १९८० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ७७९, ललितपुरमा १४३ र भक्तपुरमा ८६ जना संक्रमित थपिएका हुन् ।

मन्त्रालयका अनुसार आज प्रदेश १ को इलाममा ५, उदयपुरमा ४, ओखलढुंगामा २, खोटाङमा ३, झापामा १०६, तेह्रथुममा १, ताप्लेजुङमा ११, पाँचथरमा १, भोजपुरमा २, धनकुटामा ५, मोरङमा ३७, संखुवासभामा १, सोलुखुम्बुमा ६ र सुनसरीमा ५० गरी प्रदेशमा २४५ जना संक्रमित थपिएका हुन् ।

प्रदेश २ को धनुषामा ३, पर्सामा १५, बारामा ४, महोत्तरीमा २, रौतहटमा ४, सप्तरीमा १२, सर्लाहीमा ३ र सिराहामा ४ जना गरी प्रदेशमा आज ४७ जना संक्रमित थपिएका छन् ।

बागमती प्रदेशको काठमाडौंमा ७७९, काभ्रेपलान्चोकमा ५४, चितवनमा ८३, दोलखामा १६, धादिङमा १४, नुवाकोटमा १६, भक्तपुरमा ८६, मकवानपुरमा ५४, रसुवामा ६, रामेछापमा ३, ललितपुरमा १४३, सिन्धुपाल्चोकमा १३ र सिन्धुलीमा ३ जना गरी प्रदेशमा आज १२६९ जनामा संक्रमण देखिएको छ ।

गण्डकी प्रदेशको कास्कीमा ७०, गोरखामा ३८, तनहुँमा १६, नवलपरासीपूर्वमा २०, पर्वतमा ६, म्याग्दीमा ५, लमजुङमा ५, बागलुङमा १६ र स्याङजामा ८ जना गरी प्रदेशमा आज १८४ जना संक्रमित थपिएका छन् ।

त्यस्तै लुम्बिनी प्रदेशको अर्घाखाँचीमा ३, कपिलवस्तुमा ११, गुल्मीमा २, दाङमा ५१, नवलपरासीमा ९, पाल्पामा १०, प्युठानमा १२, बर्दियामा ५, बाँकेमा १५ र रुपन्देहीमा ४७ गरी प्रदेशमा आज जम्मा १६५ जनामा संक्रमण पुष्टि भएको छ ।

कर्णाली प्रदेशको कालिकोटमा १, जुम्लामा ८, दैलेखमा ३, सल्यानमा ६ र सुर्खेतमा ५ गरी प्रदेशमा आज २३ जना संक्रमित थपिएका हुन् ।

सुदूरपश्चिम प्रदेशको अछाममा २, कन्चनपुरमा ६,कैलालीमा २६, डडेल्धुरामा ७, डोटमा ३, बझाङमा १ र बैतडीमा २ जना गरी प्रदेशमा आज ४७ जना थपिएसँगै देशैभरी १९८० जना संक्रमति थपिएका हुन् । जसमा महिला ७८९ र पुरुष ११९१ जना रहेका छन् ।

आज थपिएका १९८० जनासँगै नेपालमा हालसम्मको कूल संक्रमितको संख्या २ लाख २२ हजार २२८ पुगेको छ ।

आज देशैभरी १६६९ जनामा कोरोना संक्रमण, उपत्यकामा थपिए ९५७ जना