Sansar News
९ मंसिर, महोत्तरी । महोत्तरीको बर्दिबासमा प्रहरीको गोली लागी घाईते भएका एक जनालाई थप उपचारका लागि काठमाडौं पठाइएको छ ।
उनलाई हेलिकप्टरमार्फत काठमाडौं पठाइएको हो । महोत्तरी प्रहरीले जानकारी दिएअनुसार घाईते अन्य दुई जनाको भने बर्दिबासकै शुभ स्वस्तिक अस्पतालमा उपचार भईरहेको छ ।
बर्दिबास नगरपालिका वडा नम्बर १४ स्थित शुभम् बस्तीकी ६ वर्षीया बालिका गुलाब साह खातुनको हत्याको विरोधमा भएको प्रदर्शनमा प्रहरीले गोली चलाएको थियो । प्रहरीको गोली लागि २ जना (बुद्धिराज न्यौपानै र श्याम कार्की) र लाठी प्रहारबाट १ जना (अफताब आलम) घाईते भएका छन् । घाईतेमध्ये न्यौपानेको घाँटीमा गम्भीर चोट लागेको छ ।
उनलाई हेलिकप्टरबाट काठमाडौं मेडिसिटी ल्याएको हो । मृतक बालिकाको बलात्कारपछि हत्या गरेको आरोपमा पक्राउ परेका अरुणकुमार साहमाथि कारबाहीको माग गर्दै प्रदर्शन भएको हो । पक्राउ परेका साहको घरमा स्थानीय आगो लगाई दिएका छन् ।
वि.सं.२०७७ मंसिर ९ मंगलवार १६:३८ मा प्रकाशित
