हामी सबैकाे संसारन्यूज

१० मंसिर, काठमाडौं । खुफिया ऐजेन्सी ‘र’ प्रमुख सामान्त गोयललाई भारतीय प्रधानमन्त्री नरेन्द्र मोदीको दूतका रुपमा नेपाल ल्याउन पहल गर्ने व्यक्तिको पहिचान भएको छ ।

यताको कुरो सुनाउन र भ्रमणको प्रपन्च मिलाउन दिल्ली गई नेपाल आएर फेरि उतै सोझिएका ती पात्र काग तिहारको दिन मात्र भाइटिका भ्याउने गरी स्वदेश फर्किएका हुन् । हिमाञ्चल प्रदेशमा समेत आफ्नो कम्पनी सिम्रिक एयरका दुईवटा हेलिकप्टरबाट सेवा सुरु गर्ने उनको तयारी छ । दलहरुभित्र आन्तरिक द्धन्द्ध चर्किदा बेलावखत सक्रिय हुने ती व्यापारिक पात्र केही वर्षदेखि मिडिया उद्योगमा आवद्ध छन् । नाम हो, क्याप्टेन रामेश्वर थापा अर्थात् यदाकदा प्रधानमन्त्री केपी ओलीको अन्तवार्ता प्रशारण गरिरहने एपीवान टिभीका मालिक (अन्नपूर्णका अध्यक्ष) । गोयल त्रिभुवन अन्तराष्ट्रिय विमानस्थलतिरै थिए ।

कात्तिक ५ गते दिउँसो १ बजे काठमाडौं ओर्लेका सामान्तलाई आफ्नै गाडीमा राखेर उनले बौद्धस्थित हायात होटलमा पुर्याएको पनि बुधबारको जनआस्थामा समाचार छ ।
होटल पुगेर गोयलसँगै थापाले पनि त्यो दिनको लञ्च त्यहि होटलमा खाएका थिए । दिनभरी त्यहिँ आराम गरेर सामान्तले आनौपचारिक भेटघाट थालेको बताइन्छ । राति नौ बजेको हाराहारीमा थापाले नै टिमलाई बालुवाटार छिराएका थिए ।