Logo
१२ जेष्ठ २०७९, बिहीबार
     Thu May 26 2022
E-paper
  English Edition
   Unicode
Logo

दुई जिल्ला जोड्ने झोलुङ्गे पुल निर्माण हुँदै



१० मंसिर, कास्की । कास्कीको पोखरा महानगरपालिका–३२, को मजुवा र तनहुँको शुक्लागण्डकी नगरपालिका–२, एक्लेखेतलाई जोड्ने मसिना खोलामाथि झोलुङ्गे पुल निर्माण हुने भएको छ । पूर्वाधार विकास कार्यालय, तनहुँको गण्डकी प्रदेशको आयोजनामा ४४ मिटर लम्बाइ, १.६ मिटर चौडाइ भएको झोलुङ्गे पुल रु १३ लाख १३ हजार ८९८ को लागतमा निर्माण गर्न लागिएको हो । पुल आगामी २०७८ साल असार मसान्तसम्ममा निमार्ण सम्पन्न गर्ने लक्ष्य राखिएको छ ।

पुल निर्माणसँगै कास्कीको पोखरा महानगरपालिका–३२ का मजुवा, छुची, तल्लोगगनगौडाका बासिन्दाका साथै र तनहुँको शुक्लागण्डकी नगरपालिका वडा नंं १ र २ का एक्लेखेत, तार्कुडाँडा, भङगारा, मकनपुर, भुजीकोट र थप्रेकका बासिन्दा लाभान्वित हुने छन् ।

मसिना खोला (कोत्रेखोला) द्वारको मुखमाथि निर्माणाधीन झोलुङ्गे पुलको आज एक कार्यक्रमका बीच गण्डकी प्रदेशसभा सदस्य आशा कोइरालाले शिलान्यास गरे । सो अवसरमा उनले तनहुको शुक्लागण्डकी र कास्कीको पोखरा महानगरपालिका जोड्ने यस पुलको निर्माण गर्न आफूले विगत १० वर्षयता निरन्तर प्रयास गर्दै आएको बताए । निर्माण कार्यलाई समयमा नै सम्पन्न गर्न सबैको साथ र सहयोग आवश्यक हुने बताउँदै कोइरालाले पुललाई केवल आवतजावत गर्नका लागि मात्र नभई उत्पादित वस्तुको आयातनिर्यातमा उपयोग गर्ने गरी उत्पादनमा लाग्नुपर्नेमा जोड दिए ।

कार्यक्रममा मसिना खोला झोलुङ्गे पुल निर्माण सहयोग समितिका अध्यक्ष चक्रबहादुर ढकाल, पूर्वाधार विकास कार्यालय तनहुँका प्रमुख ओमराज ढुङ्गानालगायतले निर्माण कार्यलाई गुणस्तरीय बनाउँदै समयमा नै सक्नुपर्नेमा जोड दिए । (रासस)


यो खबर पढेर तपाईलाई कस्तो महसुस भयो ?

सिन्धुपाल्चोक । बाटोमा गुडिरहेको एम्बुलेन्स अनियन्त्रित भएर दुर्घटना हुँदा घरभित्र सुतिरहेकी वृद्धाको मृत्यु भएको

काठमाडौं । भरतपुर महानगरपालिकामा २०७४ मा भएको स्थानीय तहको निर्वाचनमा पनि दलहरुका बीच चुनावी

काठमाडौं । इलामको देउमाइ नगरपालिका प्रमुखले आफ्नो नगरमा आइतवार पनि स्कुल खोल्न आदेश दिएका

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय