हामी सबैकाे संसारन्यूज

११ मंसिर, काठमाडौं । सिभिल बैंक दश वर्ष पूरा गरी एघार वर्षमा प्रवेश गरेको छ । बैंकले बुधबार बिहान ११ बजे भर्चुअल माध्यबाट वार्षिकोत्सव कार्यक्रम गरेको हो । वार्षिकोत्सवको अवसरमा बैकले १० गते विभिन्न कार्यक्रमहरु आयोजना गरी दशौंं वार्षिकोत्सव मनाएको हो ।

बैंकले आफ्नो संस्थागत सामाजिक उत्तरदायित्वको लागि एक नयाँ नारा ‘म एक जिम्मेवार सिभिलियन’ सहित हाल विश्वब्यापी रुपमा फैलिरहेको कोरोना भाइरस संक्रमणको महामारीलाई ध्यानमा राख्दै विविध संस्थागत सामाजिक उत्तरदायित्वका कार्यक्रमहरुको आयोजना गरी दशौंं वार्षिकोत्सव मनाएको हो ।

दशौंं वार्षिकोत्सवको उपलक्ष्यमा आयोजित कार्यक्रममा बैंकका प्रमुख कार्यकारी अधिकृत गोविन्द गुरुङले बैंकले विगत १० वर्षमा हासिल गरेको उपलब्धीहरु प्रस्तुत गरेका थिए ।