हामी सबैकाे संसारन्यूज

१४ मंसिर, काठमाडौँ । चिनीया रक्षामन्त्री वेइ फिङही अबको केही समयमा काठमाडौँको त्रिभुवन विमानस्थलमा ओर्लेर काठमाडौँमा केही घण्टा बिताउने भएका छन् ।

रक्षामन्त्रीको भ्रमणको विषयलाई प्रधानमन्त्री ओलीले सत्तारुढ नेकपाको सचिवालय बैठकमा समेत महत्वका रुपमा सम्प्रेषण गरेका थिए । भारतीय विदेश सचिव हर्षबद्र्धन आएर फर्किए लगत्तै चीनबाट उच्चस्तरको भ्रमण हुँदै भनेर प्रचार गरिएको थियो ।

चिनीया दूतावासको एक स्रोतका अनुसार ११ नबज्दै उनी चिनीया दूतावास बालुवाटार पुग्नेछन् र २ बजेको हाराहारीमा उनलाई नेपालको प्रधान सेनापति पूर्णचन्द्र थापाले जंगी अड्डामा स्वागत गर्दै सम्मान गारथ अर्पण गराउने छन् ।

सैनिक मुख्यालयको छलफल लगत्तै प्रधानमन्त्री निवास बालुवाटार र राष्ट्रपति निवास शितलनिवासमा उनले भेट पाउने छन् । त्यसलगत्तै आजै साँझ उनी फर्कनेछन् ।