हामी सबैकाे संसारन्यूज

१५ मंसिर, काठमाडौँ । प्राविधिक शिक्षा तथा व्यवसायिक तालिम परिषद्ले डिल्लोमा तथा प्रमाणपत्र तहको परीक्षाको आवेदन फाराम भर्ने म्याद थपेको छ ।

परीक्षा नियन्त्रण कार्यालय सानो ठिमी भक्तपुरले सूचना जारी गर्दै यस परिषद्का आंगिक, साझेदारी, सामुदायिक विद्यालय र निजी स्तरमा सञ्चालित शिक्षण संस्थाहरुमा अध्यापन हुने विभिन्न विषयका लागि यसअघि २०७७ मंसिर १४ गतेसम्म्का लागि अवधि तोकिए पनि कोभिड १९ को विशेष परिस्थितिका कारण परीक्षा मिति बढाइएको जनाएको छ ।

जारी सूचनामा जनाइए अनुसार आवेदन फारम मंसिर २९ गतेसम्मलाई लम्बाइएको छ भने बिलम्ब शुल्क तिरेर पुष ७ गतेसम्म फारम भर्न सकिन्छ ।