हामी सबैकाे संसारन्यूज

१५ मंसिर, काठमाडौं। पेट्रोल टैंकरमा फल्स चेम्बर बनाई इन्धन चोरी गर्ने दुई जना पक्राउ परेका छन् । उनीहरुलाई बिहिबार काठमाडौं महानगरपालिका-३ महाराजगंजबाट प्रहरीले पक्राउ गरेको हो ।

पक्राउ पर्नेमा बारा जितपुर सिमरा उपमहानगरपालिका-२१ का ३५ वर्षीय अजय लामा र सोही ठाउँका २८ वर्षीय बिकेश लामा रहेका छन् ।मङ्सिर ३ गते ईण्डियन आयल कर्पोरेसन बरौनी, भारतबाट पेट्रोल लोड गरी आएका ना ७ ख २९९५ र ना ७ ख ३६९६ नम्बरको टैंकरमा फल्स चेम्बर बनाई ईन्धन चोरी तस्करी गरी ठगी गरेको जानकारी प्राप्त भए पश्चात् उक्त टैंकरका चालकहरू अजय र बिकेशलाई पक्राउ गरेको हो ।

पेट्रोल टैंकरमा फल्स चेम्बर बनाई इन्धन लुकाई भारत लगि बेच्ने र आयल निगमलाई हानी नोक्सानी पुर्‍याई ठगी गर्ने कार्यमा सम्लग्न उनीहरुको अनुसन्धान प्रकृया अगाडि बढाइएको ब्यूरोले जनाएको छ ।