Sansar News
१६ मंसिर, काठमाडौं । पछिल्लो २४ घण्टामा देशैभरी २०७३ जना कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये २०७३ जना संक्रमणबाट मुक्त भएर डिस्चार्ज भएका हुन् ।
आज निको भएका २०७३ जनासँगै नेपालमा कोरोना संक्रमणबाट मुक्त हुनेको संख्या २ लाख १६ हजार ५९४ पुगेको छ । मन्त्रालयका अनुसार कूल संक्रमित मध्ये निको हुनेको यो दर ९२.३ प्रतिशत हो ।
हालसम्म कुन प्रदेशमा कतिजना निको भए त ?
स्वास्थ्य मन्त्रालयका अनुसार हालसम्म निको हुनेमा प्रदेश १ मा २५ हजार २८४, प्रदेश २ मा १९ हजार ५५६, बागमती प्रदेशमा १ लाख १८ हजार ३४ जना, गण्डकी प्रदेशमा १२ हजार ५५३, लुम्बिनी प्रदेशमा २३ हजार ८४६, कर्णाली प्रदेशमा ५ हजा ९४३ र सुदूरपश्चिम प्रदेशमा ११ हजार २४८ जना निको भएका छन् ।
वि.सं.२०७७ मंसिर १६ मंगलवार १६:३९ मा प्रकाशित
