हामी सबैकाे संसारन्यूज

१६ मंसिर,काठमाडौं। संयुक्त राष्ट्रसंघका महासचिव एन्टोनियो गुटेर्रेसले रासायनिक हतियारको अन्त्य गर्न अन्तर्राष्ट्रिय समुदायलाई आग्रह गरेका छन् ।

विश्वलाई नै रासायनिक हतियार विहिन बनाउन उनले सोमबार सवैलाई आग्रह गरेका हुन् । रासायनिक हतियारबाट पीडितहरुको स्मृति दिवसका अवसरमा सन्देश प्रकाशित गर्दै उनले यसको प्रयोग कहिल्यै, कहिँ, कुनै पनि बाहनामा वा कुनै पनि अवस्थामा ठिक नभएको दावी गरे ।

रासायनिक हतियारको प्रयोगले अन्तर्राष्ट्रिय कानुनको उलङ्घन भएको बताउदै उनले भने “कुनैपनि तरिकाले रासायनिक हतियारको प्रयोगलाई सही सावित गर्न सकिदैन, हामीले यस्लाई निरुत्साहित गर्नुपर्छ, प्रयोग नगर्न चेतावनी दिनुपर्छ,”

उनले रासायनिक हतियारको प्रयोग गर्दा पीडित भएकाहरुप्रति पनि विश्व समुदायले नैतिक जिम्मेबारी लिनुपर्ने स्परण गराउदै सवैको ध्यानाकर्षण गराएका थिए । सन्देश मार्फत उनले पीडितहरुप्रति सहानुभूति पनि व्यक्त गरेका थिए । रासस