हामी सबैकाे संसारन्यूज

१७ मंसिर, काठमाडौँ । राष्ट्रिय पुनःनिर्माण प्राधिकरणको जिल्ला आयोजना कार्यान्वयन ईकाई स्याङ्जा अन्तर्गत भिरकोट नगरपालिकाकी असिस्टेन्ट सव–ईञ्जिनियर भगवती राउत घुस सहित पक्राउ परेकी छन् ।

उक्त नगरपालिकामा कार्यरत असिस्टेन्ट सव–ईञ्जिनियर राउतले भुकम्प पुनःनिर्माण लाभग्राहीको घर निर्माणमा रकम निकासा गरिदिन तथा गरिदिएबापत विभिन्न बहाना बनाई घुस माग गरिरहेको भन्ने सूचना एवं उजुरीका आधारमा अख्तियार दुरुपयोग अनुसन्धान आयोगको टोलीले निजलाई रु ५ हजार घुस लिइसकेको अवस्थामा पक्राउ गरेको हो ।

निज राउतलाई नियन्त्रणमा लिई थप अनुसन्धान भइरहेको अख्तियारले जानकारी दिएको छ ।