Sansar News
१७ मंसिर, काठमाडौँ । नेपाली राष्ट्रिय क्रिकेट टोलीका लेग स्पिनर सन्दिप लामिछाने कोरोना मुक्त भएका छन्।सन्दीपले सामाजिक सञ्जालमार्फत आफू कोरोना मुक्त भएको जनाएका छन् ।
गत आइतबार श्वासप्रश्वासमा समस्याभएपछि अस्पताल समेत भर्ना भएका सन्दीपले १० दिनको आइसोलेसन बसाईपछि कोरोनालाई जितेका हुन् ।
राष्ट्रिय क्रिकेट टोलीको बन्द प्रशिक्षणमा सामेल हुनुअघि सबै खेलाडीहरुको पिसिआर गरिएको थियो। जसमा अन्य सदस्य संगै सन्दीप पनि संक्रमित भएका थिए । उनले आफ्नो स्वास्थ्यप्रति चिन्ता व्यक्त गर्ने सबैमा आभार व्यक्त गरेका छन् ।
वि.सं.२०७७ मंसिर १७ बुधवार १८:४८ मा प्रकाशित
