हामी सबैकाे संसारन्यूज

१७ मंसिर, काठमाडौँ । नेपाली काँग्रेसका वरिष्ठ नेता रामचन्द्र पौडेल रिहा गरिएका छन् ।

निषेधाज्ञा उल्लंघन गरेको भन्दै तनहुँमा पक्राउ गरिएका नेता पौडेल रिहा भएका हुन् । जिल्ला प्रहरी कार्यालयको हिरासतमा राखिएका पौडेललाई झन्डै तीन घन्टापछि रिहा गरिएको हो ।

ब्यास नगरपालिका १, १० र ११ जोड्ने तालघरे दुम्सीचौर सडकको बुल्दीखोला पुल उद्घाटन गर्न जाँदा निषेधाज्ञा तोडेको आरोपमा पक्राउ परेका थिए ।

पौडेलसँगै पक्राउ परेका कांग्रेस तनहुँका कार्यवाहक सभापति जीतप्रकाश आले पनि रिहा भएका छन् ।

रिहाभए लगत्तै नेता पौडेलले सरकारले सुरक्षा दिनुको सट्टा उल्टो अधिनायकवादी चरित्र देखाउँदै आफूलाई पक्राउ गरिएको आरोप लगाएका छन् ।

नेता पौडेललाई तुरुन्त रिहा गर्न माग गर्दै नेपाली काँग्रेसका सभापति शेरबहादुर देउवाले सरकारको प्रवृत्ति विरुद्व देशव्यापी प्रतिरोधमा उत्रनेत तोवनी दिएक थिए भने युवा नेता गगन थापाले पनि गिरफ्तारी नियोजित भएको भन्दै पौडेल गिरफ्तारीको घटना सरकारलाई निकै महँगो पर्ने पनि चेतावनी दिएका थिए ।