हामी सबैकाे संसारन्यूज

१७ मंसिर, काठमाडौं । नेपाल मगर संघले बीबीसीको १०० औं प्रभावशाली महिलामा पर्न सफल भएकी नेपाली चेली सपना रोका मगरलाई बधाई तथा सम्मान गरेको छ ।

नेपाल मगर संघ केन्द्रीय कार्यालयमा मंगलबार आयोजित एक कार्यक्रममा रोका मगरलाई ल सम्मान गरिएको हो ।
संघले बीबीसीको १०० औं प्रभावशाली महिलामा पर्न सफल रोका मगरलाई विश्वभरी रहेका मगरहरुको तर्फबाट सम्मान गर्न पाउँदा गर्व लागेको बताएको छ ।

नेपाल मगर संघका केन्द्रीय अध्यक्ष तथा अन्तराष्ट्रिय मगर महासंघका अध्यक्ष नविन रोका मगरको सभापतित्वमा सम्पन्न भएको उक्त सम्मान कार्यक्रमको महासचिव ज्ञानेन्द्र पुन मगरले संचालन गरेका थिए ।

सम्मानका क्रममा संघका अध्यक्ष तथा कार्यक्रमका सभापति नविन रोका मगरले मगर समुदाय र मगर समाजमा जन्मिएकी नेपाल र नेपालकी छोरी सपना रोका मगरले जीवनमा लामो संघर्ष गर्दै बीबीसीको सयजना प्रतिभाशाली महिलाको सूचीमा पर्न सफल भएकोमा बधाई दिएका थिए । ‘संघको तर्फबाट प्रवासी मगर संघ, नेपाल आदिवासी जनजाति महासंघ र संसारभरी रहेका लाखौ मगरहरु र करोडौ नेपालीहरुको तर्फबाट बधाई तथा सम्मान व्यक्त गर्न चाहान्छु ।’ मन्तव्यका क्रममा अध्यक्ष मगरले भने ।

सोहि अवसरमा सम्मानित रोका मगरले मंगरले संघबाट सम्मानित हुन पाउँदा खुसी लागेको बताइन् । उनले मन्तव्यकै क्रममा मगरले बीबीसीमा आफ्नो नामा आएको भन्दा पनि नेपालको नाम राख्न सफल भएकोमा खुसी लागेको बताइन् ।
सो कार्यक्रममा मगर संघका सल्लाहकार तथा व्यवसायी कृष्ण मगर, संघकी उपाध्यक्ष गंगा खासु, संघका पदाधिकारी लगायतको उपस्थिति रहेको थियो ।