हामी सबैकाे संसारन्यूज

काठमाडौं । नेपाल कम्युनिष्ट पार्टी (नेकपा)का स्थायी समिति सदस्य देवेन्द्र पौडेल ‘सुनील’ले पार्टीभित्रको समस्याको निकास दिन प्रधानमन्त्री केपी शर्मा ओलीले दुई पदमध्ये एक पद छोड्नैपर्ने बताएका छन् । बिहिबार रिपोर्टस क्लब नेपालले आयोजना गरेको साक्षात्कारमा बोल्दै उनले ओलीले अध्यक्ष वा प्रधानमन्त्रीमध्ये एक लिनुपर्ने बताएका हुन् ।

उनले ओलीसँग पुनः पुरानै तरिकाले सम्झौता नहुने पनि स्पष्ट पारे । ‘ओली प्रधानमन्त्री रहने भए अध्यक्ष पद छोड्नुपर्छ, एक पद मात्रै लिनुपर्छ, अब पुरानै तरिकाले उहाँसँग सम्झौता हुँदैन, त्यस्तो सम्भव पनि छैन’, पौडेलले भने ।

उनका अनुसार पार्टीको विधान र पद्धतिअनुसार चल्न खोजिएमा पार्टी विवाद समाधान हुन्छ । पार्टीको निर्णयलाई ओलीले आत्मसात गर्नुको विकल्प नरहेको उनको भनाई छ ।

पौडेलका अनुसार पार्टी सचिवालयमा पेश भएका दुवै प्रतिवेदनमाथि गहन छलफलपछि मात्रै निकास निस्कन सम्भव हुन्छ । त्यसको लागि ओली तयार हुनुपर्ने उनको भनाई छ ।