हामी सबैकाे संसारन्यूज

२१ मंसिर, काठमाडौं । राष्ट्रिय पुनर्निर्माण प्राधिकरणले निजी आवास पुर्ननिर्माणका लागि पहिलो र दोश्रो किस्ता लिनका लागि निवेदन दिन आग्रह गरेको छ ।

प्राधिकरणले निजी आवास पुर्ननिर्माण तथा प्रवलीकरण लाभग्राहिहरुलाई पुनर्निर्माण सम्बन्धी पहिलो र दोस्रो किस्ता लिनका लागि समयसीमाभित्र निवेदन दिन आग्रह गर्दै सूचना जारी गरेको हो ।

प्राधिकरणका अनुसार लाभग्राहिले हालसम्म कायम भएका पुनर्निर्माण तथा प्रवलिकरण लाभग्राहिहरुले मंसिर मसान्तसम्म अनुदान सम्झौता गर्ने र पहिलो किस्ता पुष १५ सम्ममा लिनु पर्नेछ ।

त्यस्तै पहिलो किस्ता लिएका सबै पुनर्निमाण लाभग्राहिले निजी आवास पुनर्निर्माणको दोस्रो किस्ता लिनका लागि पुस मसान्त सम्ममा सम्बन्धीत स्थानीय तहमा प्रमाणिकरणका लागि निवेदन दिनुपर्ने पनि प्राधिकरणको सूचनामा उल्लेख छ ।