Sansar News
काठमाडौं । जनता समाजवादीका नेता डा. बाबुराम भट्टराई र राप्रपाका अध्यक्ष कमल थापाबीच बेला–बेला सामाजिक सञ्जालमा दोहोरी पर्ने गर्छ । प्रायः दोहोरी राजसंस्था पुर्नस्थापना हुने कि नहुने भन्ने विषयमा परिरहेको हुन्छ ।
यस्तोमा पछिल्ला प्रदर्शनप्रति विरोधमा देखिएका भट्टराईले राजसंस्था स्थापना हुनु लास ब्यूँतिनु जस्तै भन्ने टिप्पणी गरेपछि चर्चामा आएको छ । राप्रपा अध्यक्ष थापाको भिडियो संवादलाई लिएर उनले आफुँले ०६० साल तिर कमल थापासँग संविधानसभा र गणतन्त्र मानेमा राजालाई पहिलो राष्ट्रपति स्वीकार्न सकिने बताएको दाबी गरेका छन् ।
जहाँ थापाले ‘त्यो त भन्न सक्दिन’ भन्ने जवाफ फर्काएको उनको भनाई छ । सामाजिक सञ्जालमार्फत थापालाई जवाफ फर्काउँदै उनले लेखेका छन्, ‘मैले ०६० को वार्तामा कमल थापासँग भनेको यसो हो ‘राजालाई भन्नोस् यदि थप रक्तपात रोकेर राजा संविधानसभा र गणतन्त्र मान्छन् भने उनलाई पहिलो राष्ट्रपति स्वीकार्न सकिन्छ !’ उनले भने–‘त्यो त भन्न सक्दिनॅ !’’
हापुरे वार्ता अघि नेपालगंजमा धवल शमसेरको घरमा हामी दुई सहपाठीबिच भएको र २०६४ चैतमा संबिधानसभा चुनाव अघि बालाजुमा चुनाव स्थगितगर्ने माओवादी प्रस्ताववारे भएको कुराकानी(दोस्रोपटक प्रचण्डसहितको उपस्थितिमा)शायद @brb1954 ले बिर्सनु भएको छैन।त्यसवारेको चर्चा भविष्यको लागि छोडने होकि? https://t.co/VszTsu2NBj
— Kamal Thapa (@KTnepal) December 7, 2020
जसको जवाफमा थापाले हापुरे वार्ता अघि धवल शमसेरको घरमा भएको वार्ता र ०६४ को चुनावअघि बालाजुमा भएको वार्तालाई सम्झाएका छन् । उनका अनुुसार जहाँ राजसंस्थाबारे गम्भीर छलफल भएको थियो ।
सामाजिक सञ्जालमार्फत उनले भट्टराईलाई भनेका छन्, ‘हापुरे वार्ता अघि नेपालगंजमा धवल शमसेरको घरमा हामी दुई सहपाठीबिच भएको र २०६४ चैतमा संबिधानसभा चुनाव अघि बालाजुमा चुनाव स्थगितगर्ने माओवादी प्रस्ताववारे भएको कुराकानी (दोस्रोपटक प्रचण्डसहितको उपस्थितिमा) शायद बाबुराम भट्टराई जीले बिर्सनु भएको छैन। त्यसवारेको चर्चा भविष्यको लागि छोडने होकि ?’
वि.सं.२०७७ मंसिर २२ सोमवार १५:०० मा प्रकाशित
