Sansar News
काठमाडौं । विश्व हिन्दु परिषद नेपालले ‘सिद्धबाबा’ भनिने कृष्णबहादुर गिरीको चरित्र हत्या गर्नेमाथि कारबाही गर्न माग गरेको छ । मंगलबार एक प्रेस विज्ञप्ती सार्वजनिक गर्दै परिषदले आरोप लगाउनेमाथि कारबाहीको माग गरेको हो ।
हिन्दु परिषदले उजुरीको भरमा कारबाही थाल्ने प्रशासनमाथि पनि प्रश्न खडा भएको बताएको छ । हिन्दु परिषदले प्रशासनबाट भएको व्यहारप्रति खेद व्यक्त गरेको छ ।
आफ्नै शिष्यलाई बलात्कार गरेको आरोपमा सिद्धबाबा भनिने सन्तविरुद्व मुद्दा परेको थियो । आफूलाई बलात्कार गरेको भन्दै एक महिलाले २०७६ कार्तिक ४ मा उनीविरुद्व जाहेरी दिएकी थिइन् ।
जसपश्चात सुनसरी प्रहरीले कात्तिक १६ मा उनलाई पक्राउ गरेको थियो । तर, उक्त मुद्दामा उनी एक महिनामै २०७६ साल पुस १४ मा तीन लाख धरौटीमा रिहा भएका थिए ।
जुन मुद्दामा उनलाई सोमबार जिल्ला अदालत सुनसरीले सफाइ दिने फैसला सुनाएको हो । जिल्ला न्यायाधीश न्यायाधीश अर्जुनप्रसाद कोइरालाको इजलासले अभियोगको दाबी ठहर नहुने फैसला गरेको थियो ।
यस्तो छ महासंघको विज्ञप्ती
वि.सं.२०७७ मंसिर २३ मंगलवार १७:०४ मा प्रकाशित
