हामी सबैकाे संसारन्यूज

२४ मंसिर, काठमाडौं । नेपालमा बुधबार (२४ मंसिर) सम्म पिसीआर प्रविधिबाट १८ लाख ५ हजार ९७२ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ६ हजार २८६ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

त्यसैगरी हालसम्म देशैभरी संक्रिय संक्रमित १२ हजार २४५ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ४ हजार ६३६ जनाको उपचार भइरहेको छ । साथै होम आइसोलेसनमा बस्नेको संख्या ७ हजार ६०९ रहेको छ ।

त्यसैगरी देशभरका विभिन्न अस्पतालको आइसीयुमा ३३० जना संक्रमित उपचाररत छन् ।

मन्त्रालयका अनुसार प्रदेश १ मा ३९, प्रदेश २ मा ७, बागमती प्रदेशमा १२४, गण्डकी प्रदेशमा ९८, लुम्बिनी प्रदेशमा ५०, कर्णाली प्रदेशमा ५ र सुदूरपश्चिममा ७ जना गरी जम्मा ३३० जना आइसीयुमा उपचाररत छन् ।

त्यसैगरी प्रदेश १ मा ५ जना, बागमती प्रदेशमा ३५ जना, गण्डकी प्रदेशमा ९ जना, गण्डकी प्रदेशमा ९, लुम्बिनी प्रदेशमा ४,कर्णाली प्रदेश र सुदूरपश्चिम प्रदेशमा २/२ जना गरी जम्मा ५७ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला काठमाडौं, ललितपुर र कास्की रहेका छन् भने मनाङ र डोल्पा संक्रमित शून्य जिल्ला भएका छन् ।

यसैगरी देशैभरीका क्वारेन्टिनमा ५२५ जना रहेका छन् भने शून्य संक्रमित रहेको जिल्ला मनाङ र डोलपा रहेका छन् ।

त्यस्तै आज थपिएका १०५६ जनासँगै नेपालमा हालसम्मको कूल संक्रमितको संख्या २ लाख ४४ हजार ४३३ पुगेको छ । साथै आज १४८३ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या २ लाख ३० हजार ५३७ पुगेको छ ।

त्यस्तै आज १४ जनाको मृत्यु भएसँगै संक्रमणबाट हालसम्म ज्यान गुमाउनेको संख्या १६५१ पुगेको छ ।

आज देशैभरी १०५६ जनामा कोरोना संक्रमण, १४८३ जना निको
नेपालमा आज उपत्यकाका ४९६ सहित १०५६ जनामा कोरोना संक्रमण पुष्टि भएको छ ।

पछिल्लो २४ घण्टामा देशैभरी गरिएको ६ हजार २८६ नमुना परीक्षणमा १०५६ जना नयाँ संक्रमित थपिएका हुन् ।

आज प्रदेश १ मा ९५, प्रदेश २ मा २६, बागमती प्रदेशमा ६०४, गण्डकी प्रदेशमा १२७, कर्णाली प्रदेशमा ७ र सुदूरपश्चिम प्रदेशमा १०९ जना गरी १०५६ जना संक्रमित थपिएका हुन् । जसमा महिला ३८६ र पुरुष ६७० जना रहेका छन् ।

आज थपिएका १०५६ जनासँगै नेपालमा हालसम्म २ लाख ४४ हजार ४३३ जना कोरोनाबाट संक्रमित भएका छन् ।

त्यसैगरी आज देशैभरी १४८३ जना कोरोना संक्रमणबाट मुक्त भएका छन् । मन्त्रालयका अनुसार आज थपिएका १४८३ जनासँगै नेपालमा हालसम्म कोरोना संक्रमणबाट मुक्त हुनेको संख्या २ लाख ३० हजार ५३७ पुगेको छ । मन्त्रालयका अनुसार निको हुनेको यो दर ९४.३ प्रतिशत हो ।

कति छन् त होम आइसोलेसनमा ?
स्वास्थ्य मन्त्रालयका अनुसार हालसम्म ७ हजार ६०९ जना कोरोना संक्रमित होम आइसोलेसनमा रहेका छन् । जसमा प्रदेश १ मा १०२३, प्रदेश २ मा १५१, बागमती प्रदेशमा ४४२९, गण्डकी प्रदेशमा २३६, लुम्बिनी प्रदेशमा ९८५, कर्णाली प्रदेशमा ७७ र सुदूरपश्चिम प्रदेशमा ७०८ जना गरी ७ हजार ६०९ जना रहेका छन् । साथै देशका विभिन्न अस्पताल तथा आइसोलेसन सेन्टरमा ४ हजार ६३६ जनाको उपचार भइरहेको छ ।

आज १४ जनाको मृत्यु
नेपालमा पछिल्लो २४ घण्टामा १४ जनाको मृत्यु भएको छ ।  स्वास्थ्य मन्त्रालयका अनुसार देशैभरीका विभिन्न जिल्लामा १४ जनाको मृत्यु भएको हो ।  आज थपिएका १४ जनासँगै कोरोना संक्रमणबाट हालसम्म ज्यान गुमाउनेको संख्या १६५१ पुगेको छ ।

यस्तो छ हेर्नुहोस् नेपालमा २३ मंसिरसम्मको कोरोना अपडेटको पूर्ण विवरण