हामी सबैकाे संसारन्यूज

२५ मंसिर, काठमाडौं। जर्मन क्लब बायर्न म्युनिखले समुह चरणमा आफ्नो अपराजित यात्रा कायम राख्दै दोस्रो चरण प्रबेश भएको छ । समुह चरणको अन्तिम खेलमा लोकोमोतिभ मस्कोलाई २-० ले पराजित गर्दै बायर्नले अपराजित यात्रा कायम राखेको हो ।

बायर्नको घरेलु मैदान एलियन्ज एरिनामा भएको खेलमा ६३औं मिनेटमा निक्लस लेले र ८०औं मिनेटमा एरिक म्याक्सिम चपो मोटिङले बायर्नका लागि गोल गरेका थिए । जितसँगै बायर्नले ६ खेलबाट ५ जित र एक बराबरी सहित १६ अंक जोड्दै समुहको शिर्ष स्थानमा रहदैँ दोस्रो चरण प्रवेश पाएको छ ।

सोही समुहको अर्को खेलमा स्पानिस क्लब एट्लेटिको मड्रिडले आरबी साल्जवर्गलाई २-० ले पराजित गर्दै अन्तिम १६ मा प्रवेश गरेको छ । एट्लेटिको जितमा खेलको ३९औं मिनेटमा मारियो हर्मोसो र ८६औं मिनेटमा यानिक कारास्कोले गोल गरे ।