हामी सबैकाे संसारन्यूज

काठमाडौं । सरकारी अध्ययन समितिले हप्तामा दुई दिन सार्वजनिक बिदा दिने व्यवस्था गर्न सरकारलाई सुझाब दिएको छ । पर्यटन मन्त्रालयका सहसचिव तथा पर्यटन महाशाखाका प्रमुख प्रदीपकुमार कोईराला नेतृत्वको समितिले यस्तो सुझाब दिएको हो ।

समितिले हप्तामा २ दिन बिदा कायम गर्दा सरकारी खर्च कटौती हुने र संस्थाहरुको उत्पादकत्व बृद्धि हुने निष्कर्ष निकालेको छ । जहाँ कर्मचारीको बृद्धि विकासमा पनि सहयोग पुग्ने समितिको ठहर छ ।

समितिले बिहिबार सार्वजनिक गरेको प्रतिवेदनमा भनिएको छ – हप्तामा २ दिन सार्वजनिक विदा कायम गर्दा आर्थिक रुपले कर्मचारी र कार्यालय तथा संस्थाहरुको उत्पादकत्व बृद्धि हुने, सरकारी खर्च कटौतीमा सहयोग पुग्ने, पर्यटकीय दृष्टिकोणले आन्तरिक पर्यटन प्रबद्र्धनमा सहयोगमा हुने, सामाजिक दृष्टिकोणले लैंगिक समानता कायम गर्न, काम र व्यक्तिगत जीवनबीचको सन्तुलन कायम गर्न सहयोग हुने देखिएको हप्तामा २ दिन बिदा दिन मनासिब रहेको व्यहोरा समिति सिफारिस गर्दछ ।

प्रतिवेदनमा जनाइएअनुसार विश्वका ९१ प्रतिशत मुलुकमा सातामा २ दिन बिदा दिने व्यवस्था छ । एशियाभित्रका ४३ देशमध्ये ३८ देशमा पनि यो व्यवस्था कार्यान्वयनमा छ । सार्क देशमा सातामा १ दिन बिदा दिने देश नेपाल मात्रै भएको प्रतिवेदनमा उल्लेख छ ।

यस्तो छ समितिको प्रतिवेदन