हामी सबैकाे संसारन्यूज

२७ मंसिर, काठमाडौ । नेपाल विद्युत् प्राधिकरणले शनिबार राजधानीका विभिन्न स्थानमा विद्युत् कटौती गर्ने भएको छ ।

प्राधिकरणका सूचना अधिकारी लिलाकुमारी अर्यालका अनुसार बानेश्वर सबस्टेशनमा आवश्यक मर्मत गर्नु पर्ने भएकाले शनिबार मध्याह्न १२ बजेदेखि २ बजेसम्म विद्युत् कटौती गर्न लागिएको हो ।

सो सबस्टेशनबाट विस्तारित धोबिखोला, वाग्मती, कोटेश्वर, बानेश्वर, पूरानो एयरपोर्ट, लुभूलगायतका स्थानमा विद्युत् कटौती हुने भएको छ । प्राधिकरणले बानेश्वर सबस्टेशनको ११ केभी बसबारमा मर्मत गर्न लागेको छ ।

त्यस्तै विहान ११:०० बजे देखि दिउसो ३:०० बजेसम्म किर्तिपुर वितरण केन्द्रको बल्खु, खसीबजार, टि.यु, चोबार, पाँगा, टौदह लगायतका क्षेत्रहरुमा बुस कटिङ् कार्यको लागि किर्तिपुर फिडर सटडाउनमा राखी कार्य गर्नु पर्ने भएकोले सो फिडर अन्तर्गतका उल्लेखित स्थानहरुमा विद्दुत अपुर्ति बन्द हुने जनाइएको छ ।

आजै विहान ११:०० बजे देखि दिउसो २:०० बजेसम्म जोरपाटी वितरण केन्द्रको साँखु फिडरको जोरपाटी साँखु सडक खण्डको कुर्थलीमा पोल स्थानान्तरण कार्य गर्नुपर्ने हुँदा उक्त फिडर अन्तर्गतको खुलालटार, साँखु बजार, पालुवारी र जरसिंहपौवा लगायतका स्थानहरुमा विद्दुत अपुर्ति बन्द हुने जनाइएको छ ।

प्राधिकरणले विद्युत् कटौती हुँदा पर्ने असुविधाप्रति उपभोक्तामा क्षमा माग्दै निर्धारित कार्य समय अगावै सकिएको खण्डमा विद्युत् प्रवाहसमेत हुनसक्ने जनाएको छ ।