Sansar News
२७ मंसिर । भारतीय राष्ट्रिय जनता दल (राजद) का प्रमुख लालूप्रसाद यादवको स्वास्थ्य अवस्था गम्भिर बन्दै गैरहेको खबर भारतीय संचारमाध्यमहरुले जनाएका छन् ।
बिहारका पूर्वमुख्यमंत्री समेत रहेका यादवको उपचार गरिरहेका डा. उमेश प्रसादले यसबारे जानकारी दिँदै भनेका छन् ‘लालूप्रसाद यादवको मृगौलाले कुनै पनि बेला काम गर्न सक्छ । यद्यपि यसबारे भन्ने गर्न गाह्रो छ ।’
डा. उमेश प्रसादले लालू यादवको मिर्गाैलाले २५ प्रतिशत मात्र काम गरिरहेको छ । त्यसैले कुनै पनि समयमा उनको मृर्गाैलाले काम गर्न रोक्न सक्दछ । उनको स्वास्थ्य अवस्था बारे उच्च अधिकारीलाई समेत लिखित रूपमा पनि सूचित गरिसकिएको बताए ।
लालू प्रसाद यादव रांचीको राजेन्द्र मेडिकल साइन्स इन्स्टिच्युटमा उपचाररत छन् भने डा. उमेश प्रसादले उनको उपचार गरिरहेका छन् ।
लालू प्रसाद यादवलाई गत महिना रिस्मको निजी वार्डमा सारिएको थियो । बिहारको चुनाव पछि बीजेपीले लालू यादवले आफ्ना विधायकहरूलाई किन्न खोजेको आरोप लगाएको थियो । त्यसपछि एक अडियो पनि सार्वजनिक पनि भएको थियो । यद्यपि राजदले ती आरोपहरू अस्वीकार गरेको छ ।
लालू प्रसाद यादव पहिले १ केली बंगलामा बस्दै थिए । लालू यादवले जेलको समय व्यतीत गरिरहेको छैन, बंगलामा आरामदायी जीवन बिताइरहेको छ भन्ने आरोप भाजपाले लगाएको थियो ।
वि.सं.२०७७ मंसिर २७ शनिवार १९:०४ मा प्रकाशित
