Sansar News
२८ मंसिर, काठमाडौं । नेपालमा आज ८३० जनामा कोरोना संक्रमण भएको पुष्टि भएको छ ।
स्वास्थ्य तथा जनसंख्या मन्त्रालयका अनुसार आज देशैभरी ५ हजार १८१ वटा कोरोनाको नमुना परीक्षण गरिएकोमा उपत्यकाका ३४८ जनासहित ८३० जनामा कोरोना संक्रमण देखिएको हो । जसमा ३३० महिला र ५०० पुरुष रहेका छन् ।
आज थपिएका ८३० जनासँगै नेपालमा हालसम्म कोरोना संक्रमितको संख्या २ लाख ४८ हजार ४२३ पुगेको छ ।
त्यसैगरी आज देशैभरीका अस्पताल,आइसोलेसन सेन्टर तथा होम आइसोलुनमा रहेका मध्ये १५०० निको भएका छन् ।
आज निको भएका १५०० जनासँगै नेपालमा संक्रमणबाट मुक्त हुनेको कूल संख्या २ लाख ३५ हजार ७३१ पुगेको छ । मन्त्रालयका अनुसार निको हुनेको यो दर ९४.९ प्रतिशत हो ।
आज देशैभरी १०४४ जनामा कोरोना संक्रमण, १२७१ जना संक्रमणबाट मुक्त
वि.सं.२०७७ मंसिर २८ आइतवार १६:४१ मा प्रकाशित
