Sansar News
२६ मंसिर, काठमाडौं । नेपालमा पछिल्लो २४ घण्टामा १०४४ जना कोरोनाका नयाँ विरामी थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएका ७ हजार ४१४ नमुना परिक्षणमा काठमाडौं उपत्यकाका ५४१ सहित १०४४ संक्रमित थपिएका हुन् ।
जसमा प्रदेश १ मा ८९, प्रदेश २ मा २५, बागमती प्रदेशमा ६५४,गण्डकी प्रदेशमा ८६ लुम्बिनी प्रदेशमा ११३, कर्णाली प्रदेशमा १५ र सुदूरपश्चिम प्रदेशमा ६२ जना नयाँ संक्रमित थपिएका हुन् । संक्रमित हुनेमा महिला ४११ र पुरुष ६३३ रहेका छन् ।
आज थपिएका १०४४ जनासँगै नेपालमा हालसम्म कोरोना संक्रमण हुनेको संख्या २ लाख ४६ हजार ६९४ रहेको छ ।
त्यसैगरी आज देशैभरीका अस्पताल, आइसोलेशन सेन्टर र होम आइसोलेसनमा बसेकामध्ये १२७१ जना कोरोना संक्रमण मुक्त भएका छन् ।
आज देशैभरी १२१७ जना कोरोना संक्रमित थपिए, १०६४ जना संक्रमणबाट मुक्त
वि.सं.२०७७ मंसिर २६ शुक्रवार १६:२७ मा प्रकाशित
