हामी सबैकाे संसारन्यूज

३० मंसिर, काठमाडौँ । प्रमुख प्रतिपक्षी दल नेपाली काँग्रेसका सभापति शेरबहादुर देउवाले सरकारको सर्वसत्तावादी सोच झनै प्रष्टिएको बताएका छन् ।

ट्वीट गदै सभापति देउवाले संसद अधिवेशन छलेर संवैधानिक परिषद् सम्बन्धि अध्यादेश ल्याउनुलाई अलोकतान्त्रिक भन्दै यसबाट सर्वसत्तावादी सोच झनै प्रस्टिएको बताएका छन् ।

‘उपसभामुख पद खाली राखेर, सभामुख जस्तो गरिमामय व्यत्तित्वलाई विश्वासमा नलिइ कोरम पुगेन भन्नू हाँस्यास्पद हो ।’ सभापति देउवाले टिव्टमा लेखेका छन् ।

मंगलबार प्रधानमन्त्री केपी शर्मा ओलीले बोलाएको परिषदको बैठकमा सभामुख अग्निप्रसाद सापकोटाको अनुपस्थितिका कारण स्थगित भएको थियो । बैठक स्थगित भएसँगै प्रधानमन्त्री ओलीले मन्त्रिपरिषदको आकस्मिक बैठक बोलाएका थिए ।

मन्त्रिपरिषद बैठक लगत्तै राष्ट्रपति विद्यादेवी भण्डारीले संवैधानिक परिषदसम्बन्धी ऐनको दफा ६ को उपदफा ३ लाई संशोधन गर्ने गरी अध्यादेश जारी गरेकी थिइन् ।