Sansar News
३ पुष, काठमाडौँ । दक्षिण अफ्रिका क्रिकेट र्बोडले श्रीलंका विरुद्ध हुने टेस्ट श्रृखलाको लागि आफ्नो टोलीको घोषणा गरेको छ । क्विन्टन डि कोकको कप्तानीमा दक्षिण अफ्रिका क्रिकेट र्बोडले १६ खेलाडीको नाम सार्वजनिक गरेको छ ।
चोटका कारण श्रीलंका विरुद्धको टेस्ट श्रृखलाबाट दक्षिण अफ्रिकाका फास्ट बलर कागिसो रबाडा र अलराउण्डर ड्वाइन प्रिटोरियस बाहिरिएका छन । दक्षिण अफ्रिकाको टेस्ट टिममा पहिलो पटक सार्ल एर्वी, ग्लेनटन स्टुउमर्न, वियान मुलडर र काइल भेरिने पर्न सफल भएका छन ।
डिसेम्बस २६ मा श्रीलंकाले दक्षिण अफ्रिका विरुद्ध पहिलो टेस्ट खेल्दैँ भ्रमणको सुरुवात गर्ने छ । दक्षिण अफ्रिका भ्रमण अन्तर्गत श्रीलंकाले दक्षिण अफ्रिकी क्रिकेट टिम विरुद्ध २ खेलको टेस्ट श्रृखला खेल्ने छ ।
श्रीलंका विरुद्धको टेस्ट श्रृखलाको लागि दक्षिण अफ्रिकाको टिम:
क्विन्टन डि कोक, टेम्बा बावुमा, इडेन मार्क्राम, फाफ डु प्लेसिस, बेउरन हेन्ड्रिक्स, डीन एल्गर, केशव महाराज, लुंगी एनगिडी, रासी भान डेर डुसेन, सरेल एर्वी, एरिच नोर्त्जे, ग्लेनटन स्टुउर्मन, वियान मुलडर, किगान पेटरसन, काइल भेरिने, मिगेल प्रेटोरियस।
वि.सं.२०७७ पुस ३ शुक्रवार १२:२० मा प्रकाशित
