Sansar News
५ पुष, काठमाडौँ । प्रधानमन्त्री केपी ओलीले हठात संसद विघटनको सिफारिस गरेपछि देशैभरी प्रदर्शन बढ्न थालेका छन् ।
संसारन्यूज संवाददातालाई सत्तारुढ नेकपा नेता केशव नेपालले दिएको जानकारी अनुसार आज दिउँसो ठिक ३ बजे काठमाडौँको माइतिघर मण्डलमा नेकपाका नेता कार्यकर्ताहरु उपस्थित भै विरोधमा सहभागी हुनेछन् ।
‘प्रधानमन्त्रीको कदम देश र जनताप्रतिको घात’ भन्दै गैरसंवैधानिक कदमलाई अघि बढ्न नदिन भन्दै पोखरा, विराटनगर र बुटबलमा प्रदर्शन शुरु भैसकेका छन् । साझा विवेकशिल स्रोतका अनुसार सो पार्टीले ३ बजे बालुवाटारमा विरोध प्रदर्शनको आयोजना गरेको छ ।
वि.सं.२०७७ पुस ५ आइतवार १३:१७ मा प्रकाशित
