हामी सबैकाे संसारन्यूज

६ पुष । हाल अमेरिकाको न्यूजर्सी राज्यमा बस्दै आएकी सामाजिक अभियन्ता डा. विष्णुमाया परियारले आफ्नो जन्मदिनको अवसरमा आफू पढेको बिद्यालयका बिद्यार्थीहरुलाई पोशाक वितरण गरेकी छिन् ।

डा विष्णुमायाले गोर्खाको शहिद लखन गॉंउपालिका वडा नं. ४, कोटगॉंउ स्थित श्री सिंजाली माध्यमिक विद्यालयमा अध्ययनरत १ सय ५० विधार्थीहरुलाई विद्यालय पोशाक वितरण गरेकी हुन् ।

२०७७ साल पौष ५ का दिन एक कार्यक्रम गरी उक्त विद्यालयका १ सय ५० जना दलित, विपन्न तथा जेहन्दार विद्यार्थीहरुलाई विद्यालय पोशाक वितरण गरिएको छ । डा परियारकी आमा कन माया परियारद्वारा विद्यार्थीहरुलाई पोशाक वितरण गरिएको हो ।

उक्त बिद्यालयमा डा परियारले ७ कक्षासम्म अध्ययन गरेकी थिइन् । उनि कक्षाकी प्रथम बिधार्थी समेत रहेकी थिइन् ।

आफू अभावको परिथितिमा गुज्रिएकोले यस्तो अवस्थामा अरु कसैले पनि सामना गर्नु नपरोस भनि आफ्नो जन्म दिनमा पोशाक वितरण गर्न पाउदा हर्षको आँशु आएको बताईन ।

उक्त बिद्यालयका प्रधानाध्यापक बिएन श्रेष्ठले सामाजिक अभियन्ता परियारलाई धन्यबाद दिएका छन् ।

डा परियार एडवनकी संस्थापक अध्यक्ष पनि हुन । एड्वनले उक्त जिल्लामा २० औ हजार बिधार्थीहरुलाई यस्ता सहयोग गर्दै आएको छ ।

साथै उनि न्यूजर्सीको जर्सी शहरकी नगर प्रमुखकी सल्लाहकार पनि हुन् । उनि महिला सामाजिक कार्यकर्ता, अन्याय र अत्यचार विरुद्ध, विभेद र आवाजविहिनहरुको आवाजलाई वकालत गर्दै सयुक्त राष्ट्रसंघसम्म आवाज पुर्याउने एक सशक्त महिला अधिकारकर्मी हुन् ।