६ पुस, दैलेख । चामुन्डाबिन्द्रासैनी नगरपालिका–९ डङसुर बस्ने ३२ वर्षीया भद्रा नेपालीको सोही ठाउँस्थित माटोको ढिस्कोमा पुरिएर शुक्रबार मृत्यु भएको छ ।
रानीवन फलफुल्ने चाका भन्ने स्थानमा घर पोत्ने माटो खन्न गएको अवस्थामा ढिस्कोले पुरिएर घाइते भएकी भद्राको बिन्द्रासैनी स्वास्थ्य चौकीमा उपचारको क्रममा मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।
वि.सं.२०७७ पुस ६ सोमवार १०:३९ मा प्रकाशित






























