Sansar News
पुस १०, काठमाडौं । नेकपाका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओली गणतन्त्र विरोधी भएको बल्ल थाहा भएको प्रतिक्रिया दिएका छन् । केन्द्रीय समिति बैठकका निर्णयबारे जानकारी दिन शुक्रबार आयोजित पत्रकार सम्मेलनमा प्रचण्डले यस्तो प्रतिक्रिया दिएका हुन् ।
प्रचण्डका अनुसार आन्दोलन सफल भएपश्चात मात्रै गणतन्त्रको मुद्दामा ओली सहमत भएका थिए ।
‘बयलगाडाको कथा त सबैलाई थाहा भएकै कुरा हो, आन्दोलन सफल भएपछि उहाँले पछि स्वीकार गर्छु भन्नुभएको थियो । तर, उहाँले भित्रि रुपमा स्वीकार गर्नुभएको रैनछ । अहिले आएर थाहा थियो ।
‘आन्दोलन चल्दै गर्दा केपी ओलीले बयलगाडाको कथा सुनाएको हामीसवैले सुनेकै हौ तर, पछि आन्दोलन सफल भयो, उहाँले पनि म पनि गणतन्त्र स्वीकार्छु, भन्नु भयो’, पत्रकारको प्रश्नमा प्रचण्डले भने, ‘हामीले होला भनेर विश्वास गर्यौ तर, उहाँ मौका कुरेर बस्नुभएको रहेछ ।’
सम्बन्धित समाचार
बादलले यता तयार पारेको भाषण उता गर्नुभएछ, उहाँ झुक्किनुभयो : प्रचण्ड
वि.सं.२०७७ पुस १० शुक्रवार १५:५६ मा प्रकाशित
